Çka është Qendra e Shëndetit dhe Sëmundjeve të Zemrës?

Qendra e Shëndetit dhe Sëmundjeve të Zemrës është një qendër mjekësore e menaxhuar nga mjekë dhe personel mjekësor të trajnuar posaçërisht për shëndetin e zemrës. Këto qendra ofrojnë një sërë shërbimesh, duke përfshirë ruajtjen e shëndetit të zemrës, diagnostikimin dhe trajtimin e sëmundjeve të zemrës, ndërhyrjet kirurgjike dhe rehabilitimin.

Qendrat e Shëndetit dhe Sëmundjeve të Zemrës menaxhohen nga një ekip i specializuar në shëndetin e zemrës. Ky ekip përfshin kardiologë, kardiokirurgë, specialistë të rehabilitimit kardiak, dietologë dhe profesionistë të tjerë të kujdesit shëndetësor. Ky ekip ofron shërbime këshillimi, diagnostikimi dhe trajtimi për pacientët për çështje të lidhura me shëndetin e zemrës.

Qendrat e Shëndetit dhe Sëmundjeve të Zemrës ndihmojnë në përmirësimin e cilësisë së jetës së pacientëve duke ofruar diagnostikim të hershëm të sëmundjeve të zemrës, metoda efektive të trajtimit dhe shërbime rehabilitimi afatgjatë. Këto qendra ofrojnë gjithashtu kontrolle dhe këshilla të rregullta për ndryshimet e stilit të jetesës për të ruajtur shëndetin e zemrës.

Cilat janë shërbimet e qendrës për shëndetin dhe sëmundjet e zemrës?

• Vlerësimi i detajuar i faktorëve të rrezikut që ndikojnë në zhvillimin e sëmundjeve të zemrës,
• Ofrimi i shërbimeve mbi dietetikën,
• Përcaktimi i programeve të ushtrimeve në bazë të karakteristikave personale,
• Marrja e masave të nevojshme për t'i dhënë fund varësisë ndaj duhanit dhe alkoolit,
• Fillimi i trajtimeve parandaluese kur është e nevojshme,
• Aplikimi i testeve të përdorura në diagnostikimin e sëmundjeve kardiovaskulare dhe përcaktimin e metodave të trajtimit;
• Aplikimi i metodave imazherike për sëmundjet trashëgimore të zemrës, planifikimi i trajtimit dhe procedurave kirurgjike.

Çfarë duhet bërë në trajtimin e sëmundjeve të zemrës?

Trajtimi i zbatuar mund të ndryshojë mvarësisht prej sëmundjes së zemrës së pacientit. Prandaj, trajtimet që u jepen pacientëve mund të ndahen në dy kategori: trajtime medikamentoze dhe trajtime intervenuese. Si trajtim medikamentoz, mund të përshkruhen barna antihipertensive që forcojnë funksionet e zemrës dhe rregullojnë presionin e gjakut. Gjithashtu, mund të përdoren grupe barnash si barnat që ulin nivelin e kolesterolit, ilaçet antiaritmike në pacientët me çrregullime të ritmit, diuretikët në rast të insufiçience të zemrës dhe antibiotikët në rast infeksioni. Ndër metodat intervenuese është i mundur ekzaminimi i enëve të zemrës dhe trajtimi i zonave problematike nëpërmjet angiografisë. Në mënyrë të ngjashme, me kateterizimin kardiak, valvulat e zemrës mund të shikohen nga brenda dhe mund të kryhen procedura terapeutike. Së fundi, operacionet për problemet anatomike të zemrës mund të kryhen me ndihmën e metodave kirurgjike.