Çka është terapia fizikale dhe rehabilitimi?

Terapia fizikale dhe rehabilitimi; paraqet metodën e trajtimimit që merret me çrregullimet funksionale apo humbjet që ndodhin për shkak të aksidentit, traumës, çrregullimeve kongjenitale apo arsyeve të tjera nëpërmjet metodave të ndryshme në mënyrë që pacientin të lëvizë lehtësisht në jetën e përditshme. Terapia fizikale dhe rehabilitimi, i përdorur në trajtimin e shumë sëmundjeve të lidhura me kockat dhe muskujt, është një metodë trajtimi që mund të ndryshojë nga personi në person.

Fizioterapia, përveç metodave tjera të trajtimit, mund të aplikohet e vetme si metodë. Llojet e fizioterapisë: me rreze drite, nxehtësi, stërvitje apo ushtrime fizike, rrymë elektrike, aplikimet nxehtë-ftohtë dhe agjentë fizikë.

Fjala rehabilitim ka kuptime të tilla si riparim, kthim në gjendjen e mëparshme dhe përmirësim. Qëllimi i punëve rehabilituese të me fizioterapi është që pacienti t’i rikthehet jetës në mënyrë të pavarur fiziologjikisht, shoqërisht, shpirtërisht dhe profesionalisht. Rehabilitimi shpesh mund të zgjasë më shumë se terapia fizike.

Janë disa metoda të aplikuara në fizioterapi dhe rehabilitim. Në termoterapi (trajtim me aplikime të nxehta), përdoren ultratinguj, valë të shkurtra dhe me mikrovalë, lazer, pako të nxehta, helioterapi (trajtim me rreze dielli), banjë parafine dhe rreze infra të kuqe. Në trajtimin me aplikime të ftohta të quajtura krioterapi, aplikohen pako dhe kompresa të ftohta, sprej ftohës, masazh me akull dhe thasë.

Gjithashtu ndër metodat e fizioterapisë dhe rehabilitimit janë terapia si banja me ujë të nxehtë, banjë termale, banja me vorbull, rrymat e drejtpërdrejta dhe të alternuara dhe elektroterapia, terapia me ilaçe, trajtimi me metoda mekanike (masazh, terapi manuale, traksion, etj.) dhe aplikime të ushtrimeve fizike.

Çfarë sëmundjesh trajton terapia fizikale dhe rehabilitimi?

Problemet me dhimbje

Dhimbjet në sistemin muskuloskeletor të trupit si ato të qafës belit, shpinës, këmbëve, gjunjëve, etj mund të trajtohen me terapi fizikale dhe metoda rehabilitimi. Dhimbjet akute të shkaktuar nga dëmtimi i indeve për shkak të sëmundjes ose traumës, përfshihen në kuadër të ekspertizës së kësaj njësie. Ndërsa dhimbja kronike e vazhdueshme neurologjike ose psikologjike kërkon një proces trajtimi afatgjatë.

Lëndimet sportive

Lëndimet e muskujve, frakturat e meniskut dhe lëndimet e tjera sportive mund të trajtohen me ndërhyrje kirurgjike ose me terapi fizikale dhe rehabilitim. Edhe nëse pacienti ka nevojë për operacion, terapia fizikale është e rëndësishme pas këtij procesi. Në mënyrë që regjioni problematik të rifitojë shëndetin e dikurshëm, është e nevojshme që ushtrimet të bëhen nën mbikëqyrjen e mjekut dhe që të mos anashkalohen.

Sëmundja e Parkinson

Sëmundja e Parkinsonit, e cila vërehet veçanërisht në moshat më të vjetra, shfaqet si pasojë e harxhimit të qelizave dopamine. Përveç medikamenteve të përdorura nën mbikëqyrjen e një neurologu, pacienti duhet të praktikoj rregullisht edhe ushtrime fizike. Qëllimi i terapisë fizikale dhe rehabilitimit për këtë sëmundje me simptoma si dridhjet në duar, vështirësitë në ecje, çrregullime të të folurit etj, bëhet me qëllim të rifitimit të lëvizshmërisë së pacientit dhe përmirësimit të cilësisë së jetës.

Sëmundjet reumatike

Reumatizmi, i cili përdoret për të përshkruar dhimbjet ose dhimbjet rreth muskujve, kyçeve ose kockave, nuk është si një sëmundje e vetme. Ekzistojnë qindra sëmundje reumatike. Reumatizmat inflamatore dhe jo-inflamatore përfshijnë osteoporozën, reumatizmin e kyçeve, kërcitjet e thembrave, bërryli i tenisit dhe golfit, tendinitin kalcifik, kalcifikimet, sindromat e goditjes së shpatullave, qarjet e muskujve të shpatullave, reumatizmin e indeve të buta, sëmundja Gut, ethet mesdhetare, sëmundja e indeve lidhëse, artriti reumatik, reumatizmi akut i kyçeve, dhe lloje të ndryshme të sëmundjeve reumatike. Ndër simptomat e sëmundjeve reumatike janë ënjtje, vështirësi në përdorimin e kyçit, dhimbje të vazhdueshme, rritje të temperaturës apo skuqje. Ndërsa mjekimi zbatohet në varësi të ashpërsisë së sëmundjes, shumë sëmundje reumatike trajtohen me terapi fizikale dhe rehabilitim.

Paraliza

Pas goditjes në tru, paraqiten dëmtime të enëve të gjakut në tru, dhe kufizohet aftësia e pacientit për të lëvizur në një pjesë të caktuar të trupit të tij. Terapia fizike dhe rehabilitimi; është një metodë e rëndësishme trajtimi për të përshpejtuar procesin e rikuperimit të pacientit, për t'i mundësuar atij të plotësojë nevojat e tij dhe ta rikthejë atë në rrethin social.

Frakturat

Te pacienti vërehen ankesa të ndryshme në rast të ndrydhjeve, frakturave apo dislokimeve. Pas simptomave të tilla si pamundësia për të lëvizur, ënjtje, dhimbje dhe mavijosje, zona e dëmtuar mund të trajtohet me allçi dhe ndonjëherë mund të aplikohet edhe ndërhyrje kirurgjike. Pasi të trajtohet zona e dëmtuar me këto metoda, kërkohet aplikim me terapi fizikale dhe rehabilitim. Pasi që muskujt mbeten joaktive një kohë të gjatë, pacienti mund të rikthehet në shëndetin e tij të mëparshëm me ushtrime dhe metoda të ndryshme.

Hernia e qafës dhe diskale

Me humbja e integritetit të disqeve midis rruazave shkakton hernia. Herniet që ndodhin në zonën e qafës dhe belit janë si pasojë e lëvizjeve joadekuate, traumave, aksidenteve, kalcifikimeve dhe stresit. Dobësia e kockave që shfaqet me moshën, shtimi i tepërt i peshës dhe shtatzënia janë ndër shkaqet e tjera të hernies. Përveç mjekimit, terapia fizikale dhe rehabilitimi janë metoda të trajtimit të hernieve gjerësisht të përdorura. Megjithatë, këto metoda ndryshojnë në varësi të nivelit të sëmundjes. Herniet progresive ndonjëherë trajtohen me operacione kirurgjike.

Limfodema

Limfodema mund të jetë kongjenital (primar) ose i fituar gjat jetës (sekondare) është akumulimi jonormal i lëngut limfatik brenda indeve dhe akumulimi i lëngjeve si rezultat i pamjaftueshmërisë në sistemin limfatik. Në këtë rast, drenazhimi manual limfatik dhe terapia fzikale me rehabilitim është ndër fushat e tjera të aplikimit.

Me drenazh limfatik manual aktivizohen rrugët limfatike me rrjedhje të ngadalësuar të lëngjeve dhe riaktivizohet sistemi limfatik. Më pas aplikohet metoda e fashimit. Mund të aplikohet një veshje kompresuese sipas nevojës.